المقادير والطريقة
2بيضات وكأس سنيدة وكأس لاربع زيت كأس ماء غليان مدوبة فيه معلقة كبيرة نسكافيه و 2 خمارات حمرين و2 صاشي كاكاو مر و 14 حتى 15 معلقة كبيرة طحين فورص 2معالق كبار جبن جبلي أنا درت 2 فرماجات مثلثين كنخدمو البيض مع سنيدة و قبصة ملح مزيان حتى يتضاعف الحجم ديالو ونزيدو الزيت و كأس القهوة والفرماج وخلطو ونخلط 10 معالق طحين مع الخميرة والكاكاو ونزيدهم على خليط البيض ونبقى نزيد الطحين معلقة بمعلقة حتى نشوف العجين هو هداك وندهن المول بالزبدة ونرشو الطحين ونخوي الخليط وندخلها الفرن تطيب على خاطرها الفران يكون بارد وديري المقلاة التقيلة وحطي فيها المول ماللي تطيب نتقبوها بالموس ونسقيوها بالسيرو انا سقيتها بنسكافي و نخلوها تبرد نوجدو صلصة الشكلاط نصف كأس حليب معلقة كبيرة نشأ 10 قطع شكلاط أسود معلقة كبيرة زبدة معلقة كبيرة كاكاو حلو
نخلطو الحليب والنشا هو الأول ونديرو الشكلاط الزبدة والكاكاو الحلو نوضعوهم فوق النار مع التحريك المستمر حتى تعقاد ماشي بزاف ناخدو بنانة كبيرة نقطعو ها شكل مائل نوضعوه فوق الكيك ونديرو خطوط بصلصة الشكلاط أو نديرو اي تزين بغينا وندخلوها التلاجة تبرد مزيان
ليست هناك تعليقات:
إرسال تعليق